Միհրան Հարությունյանը խառը մենամարտում հաղթեց բացահայտ առավելությամբ

Ռիոյի Օլիմպիական խաղերի արծաթե մեդալակիր, հունահռոմեական ոճի ըմբիշ Միհրան Հարությունյանը երեկ իր երկրորդ մենամարտն անցկացրեց MMA-ում: Հայ մարզիկը ՙБитва на Волге՚ մրցաշարի շրջանակում մրցեց Բելառուսի ներկայացուցիչ, 25-ամյա Եվգենի Պերպեչինի հետ: Մենամարտն անցավ մեր մարզիկի բացահայտ առավելությամբ: Մրցավարն առաջին ռաունդում ժամանակից շուտ դադարեցրեց մենամարտը` հաղթանակը շնորհելով Միհրան Հարությունյանին: Հիշեցնենք, որ 29-ամյա մարզիկը MMA-ում իր առաջին մենամարտն անցկացրել է այս տարի: Ռոստովում կայացած մենամարտի ժամանակ Հարությունյանն ուժեղ է գտնվել իրանցի մարզիկից: