Կատալոնիայում բողոքի զանգվածային ակցիաներ են սկսվել

Կատալոնիայի մայրաքաղաք Բարսելոնայում այսօր առավոտից մեկնարկել են ՙԻնքնորոշումը հանցանք չէ՚ լոզունգով բողոքի զանգվածային ցույցերՙ: Հազարավոր քաղաքացիներ Կատալոնիայի դրոշով դուրս են եկել փողոց: Լրատվամիջոցները հաղորդում են, որ ցուցարարների շրջանում բացի Կատալոնիայի դրոշից, նկատվում են նաև այլ երկրների դրոշներ, որոնց թվում ամենաշատը Մեծ Բրիտանիայինն է: Տեղի լրագրողների տվյալներովՙ սպասվում է, որ ակցիաներին կմասնակցեն 200 հազար մարդիկ: Համընդհանուր գործադուլի մասնակիցները, որոնք ցանկանում են դուրս գալ Իսպանիայի կազմից, արգելափակել են գլխավոր ճանապարհները և երկաթգծերը: Օրվա ընթացքում ցուցարարների և իրավապահների բախման հետևանքով տուժել է 28 քաղաքացի: Տուժածներից 12-ը իրավապահներ են: