Այսօր մեզ զգում ենք շատ լքված, եղածը վաճառել և հեռանալ ենք ուզում.գործարարը՝ վարչապետին

Պետական բանկային քաղաքականությունն ավելի շատ վաշխառուական է եղել. դիմելով ՀՀ վարչապետ Նիկոլ Փաշինյանին՝ այս մասին ասաց Ստեփանավանի «Անահիտ» հանգստյան տան սեփականատեր Լևոն Բաբուռյանը՝ ՀՀ տարածքային կառավարման և զարգացման նախարարության և Լոռու մարզպետարանի նախաձեռնությամբ ընթացող «Իմ քայլը հանուն Լոռու մարզի» ներդրումային-բիզնես ծրագրերի համաժողովի ընթացքում: «Բանկային համակարգն ուղղված է եղել մարդու եղածը ձեռքից խլելուն, և այսօր մենք մեզ գգում ենք ավելի շատ լքված, հուսալքված»,-ասաց նա: Գործարարը, թեև մեծ քայլ համարեց, որ մարդկանց տուգանքները ներվեցին, բայց նկատեց, որ ընկերությունների համար ոչ մի քայլ չի արվել: Նա նշեց, որ իր նման մարդի շատ կան: «Իսկապես ողջունելի է, որ տնտեսական հեղափոխությունը առաջ գնա, բայց մինչ այդ հարցերը չլուծվեն, հավատացե՛ք, ցանկություն է առաջանում եղածը վաճառել և հեռանալ Հայաստանից»,-ասաց նա: Հարցին պատասխանել է ՀՀ Վարչապետ Նիկոլ Փաշինյանը: «Դուք հին տնտեսական համակարգի ներկայացուցիչն եք, երբ բիզնես անելու համար մարդը պիտի հովանավոր ու «կռիշա» ունենար: Բա վարկը վերցրել եք, ստորագրել եք, էդ պահին վերլուծե՞լ եք՝ էդ վարկը Ձեզ համար տանելի՞ է, թե՞ ոչ: Էսօր գիտե՞ք` ինչքան մարդ կա, որ գյուղվարկ է վերցնում, գնում «Նիվա» առնում, խմում, «Նիվան» խփում պատին: Հաջորդ պահին ասում է ՝ բա, կառավարությո´ւն, մեզ համար բան չե՞ս անում»: Տեսանյութը՝ tert am-ի