ԵՊՀ պրոռեկտորը ՔՊ-ին խոստացել է «քաոս» ստեղծել. «Փաստ»

«Փաստ» թերթը գրում է. «Մոտ մեկ շաբաթ առաջ աշխատանքից ազատվեց ԵՊՀ գիտական քաղաքականության եւ միջազգային համագործակցության գծով պրոռեկտոր Գեղամ Գեւորգյանը, սակայն այս տեղեկությունը լրատվականներում հայտնվեց միայն անցնող շաբաթվա վերջում եւ առանձնապես մեծ ուշադրության չարժանացավ: «Փաստ» թերթի տեղեկություններով, Գեւորգյանի ազատումն ունի կոնկրետ քաղաքական մոտիվացիա: Թերթը պարզել է, որ նախկին պրոռեկտորը փակ ֆորմատով հանդիպել է «Քաղաքացիական պայմանագիր» կուսացության ներկայացուցիչների հետ եւ խոստացել, որ համալսարանում ներքին աժիոտաժ կստեղծի, նաեւ նշել, որ հատուկ ընթացակարգով կաշխատի դասախոսական թեւի հետ, որպեսզի ռեկտոր Արամ Սիմոնյանի դեմ դժգոհության ալիք բարձրացնեն: Այս ամենի մասին էլ տեղեկացել է ռեկտոր Արամ Սիմոնյանը եւ «վստահությունը կորցնելու» հիմքով նրան ազատել աշխատանքից: Թերթի աղբյուրի փոխանցմամբ, իշխանությունները ԵՊՀ-ում «քաոս» կազմակերպելու համար Գեւորգյանին խոստացել էին ռեկտորի պաշտոնը: Ի դեպ, տեղեկություն կա, որ ԵՊՀ-ում «Ռեստարտի» համար «պռախոդ էր» բացել հենց Գեղամ Գեւորգյանը»: Առավել մանրամասն՝ թերթի այսօրվա համարում