ԱԱԾ տնօրենը հավաստիացնում է՝ գաղտնալսող սարքեր Հայաստան էլ չի բերվիԱԱԾ տնօրենը հավաստիացնում է՝ գաղտնալսող սարքեր Հայաստան չեն կարող ներկրել

Հավաստիացնում եմ, որ այլևս Հայաստանի Հանրապետություն նման սարքեր չեն կարող ներկրվել, որովհետև նման սարքերի ներկրումը օրենքով է արգելված։ Այս մասին այսօր ԱԺ-ում ասաց ԱԱԾ տնօրեն Արթուր Վանեցյանը՝ անդրադառնալով հարցին, թե Հայաստանում գաղտնալսող սարքեր ունեն օլիգարխներն ու նաև պետական որոշ գերատեսչություններ։ «Նման սարքեր ներկրելու լիազորություններ ունեն միայն այն կառույցները, որոնք իրականացնում են օպերատիվ հետախուզական գործունեություն։ Եվ այն անձինք, անհատները, որոնք պետք է ներկրեն, այսօր թե՛ մաքսային հսկողությունը, թե՛ մեր կողմից իրականացվող հսկողությունը թույլ չի տա նման սարքերի ներկրում Հայաստան», – ասաց Վանեցյանը։