Վանեցյանը դժգոհ է ԱԱԾ աշխատանքից, բայց հնչեղ բացահայտումներ է խոստանում

Նիկոլ Փաշինյանը դժգոհ է իրավապահ մարմինների աշխատանքից, ո՞րն է պատճառը: Այսօր այս հարցը տվեցին լրագրողները ԱԱԾ տնօրեն Արթուր Վանեցյանին: «Ես էլ եմ դժգոհ իրավապահ մարմինների՝ հատկապես Ազգային անվտանգության ծառայության աշխատանքից, որովհետև, այո՛, որոշակի նվազում կա այն տեմպի և այն աշխատանքների, որոնք մենք իրականացրել ենք մեր գործունեության սկզբնական շրջանում։ Իսկ եթե ավելի լուրջ, դա բացատրվում է նրանով, որ իրավական հիմքերը պետք է լինեն շատ ամուր, որպեսզի մեր կատարած որևէ գործ հետագայում հնարավոր չլինի շահարկել, բողոքարկել և ասել, որ մենք գործել ենք քմահաճույքով», - ասաց ԱԱԾ տնօրենը։ Վանեցյանը նշեց, որ առաջիկայում կլինեն հնչեղ բացահայտումներ: