35 տոննա բեռ, 99 զինվորական. Ռուս զինծառայողները ժամանել են Վենեսուելա

Ռուս զինծառայողներին և 35 տոննա բեռ տեղափոխող Ան-124 և Իլ-62 ինքնաթիռները ժամանել են Կարակասին սպասարկող Մայկետիա միջազգային օդանավակայան: Այս մասին հայտնում է ТАСС գործակալությունը՝ հղում անելով տեղի աղբյուրին: Նշվում է, որ խոսքը 99 զինվորականի մասին է, որոնց ղեկավարը ՌԴ Զինուժի գլխավոր հրամանատարության կազմակերպչական վարչության պետ, գեներալ-գնդապետ Վասիլի Տոնկոշկուրովն է: Նրանց դիմավորել են Վենեսուելայի Ազգային գվարդիայի ներկայացուցիչ Էդգար Կոլինա Ռեյեսը և Կարակասում ՌԴ դիվանագիտական առաքելության անդամները: Վենեսուելական աղբյուրի տվյալներով՝ դեպի Վենեսուելա ճանապարհին օդանավերը երկու կանգառ են կատարել՝ Դամասկոսում և Դաքարում: