Չեմ նշանակվել օպերային թատրոնի տնօրեն և չեմ էլ նշանակվելու. Արմեն Սարգսյան

Երևանի ավագանու «Իմ քայլը» դաշինքի անդամ Արմեն Սարգսյանը ֆեյսբուքյան իր էջում անդրադարձել է իր Օպերայի թատրոնի տնօրեն նշանակվելու մասին լուրերին: Գրառման մեջ մասնավորապես ասվում է. «Հետաքրքիր օր էր, ինչ խոսք ))) Հարգելիներս, սիրելիներս ես չեմ նշանակվել օպերային թատրոնի տնօրեն և չեմ էլ նշանակվելու: Հարգում եմ բոլորիդ, հարգում եմ բոլորիդ կարծիքը, բայց ինձ համար ամեն ինչից վեր է օրենքը: Ապրեք օրենքով, գործեք օրինական: Սիրում եմ բոլորիդ, կշարունակեմ ծառայել Հայաստանի Հանրապետությանը»: Ավագանու անդամը գրառմանը կցել է նաև հասարակական գործիչ, ՀՀ նախկին ոստիկանապետ Վլադիմիր Գասպարյանի խորհրդական Նարեկ Մալյանի գրառումը, որում ասվում էր. «Իմիջայլոց, ծանոթացեք մեր օպերայի նոր տնօրենն է` Արմեն Սարգսյանը: Չեք պատկերացնի ոնց եմ ծիծաղում դեբիլների ապստամբության վրա»: