Հայաստանի հետ պատերազմը ավարտված չէ. Ալիև

Ադրբեջանի նախագահ Իլհամ Ալիևը երկրի հատուկ նշանակության զորաջոկատների հետ հանդիպման ժամանակ խոսել է Լեռնային Ղարաբաղի հակամարտության մասին`նշելով, որ «Հայաստանի հետ պատերազմը ավարտված չէ»: «Այս հակամարտությունը պետք է գտնի իր լուծումը Ադրբեջանի տարածքային ամբողջականության շրջանակներում: Բանակցությունների նպատակն է ադրբեջանական տարածքների ազատագրումը: Մենք պատերազմական պայմաններում ենք ապրում: Պատերազմը դեռ չի ավարտվել: Ավարտվել է առաջին փուլը», - Ալիևի խոսքերն է մեջբերում «Ինտերֆաքս-Ադրբեջան»-ը: Ըստ Ադրբեջանի ղեկավարի՝ Վիեննայում կայացած Փաշինյան-Ալիև հանդիպման ընթացքում ադրբեջանական կողմը «դադարեցրել է Հայաստանի ղեկավարության փորձը`փոխելու բանակցությունների ձևաչափը»: