Էրդողանի կուսակցությունը վերահաշվարկ է պահանջել Ստամբուլում

Թուրքիայում իշխող «Արդարություն և զարգացում» կուսակցությունը պահանջում է Ստամբուլում բոլոր քվեների վերահաշվարկ կատարել: «Մենք բարձրագույն ընտրական հանձնաժողովից պահանջում ենք, որպեսզի Բեյօղլու շրջանում կատարվի քվեաթերթիկների վերահաշվարկ: Մենք նահանգային ընտրական խորհուրդների միջոցով կդիմենք բարձրագույն ընտրական հանձնաժողովին, որպեսզի բոլոր 38 շրջաններում կատարվի վերահաշվարկ»,-այս մասին հայտարարել է կուսակցության փոխնախագահ Ալի Իհսան Յավուզը: Ըստ նրա՝ մարտի 31-ին անցկացված ընտրությունների ժամանակ ընտրախախտումներ են տեղի ունեցել, և կուսակցությունը կդիմի ընտրական հանձնաժողովին՝ պահանջելով վերահաշվարկ կատարել Ստամբուլի բոլոր շրջաններում: