Մեկ տարի առաջ այս օրը իրար հետ էինք, սակայն փշալարերի տարբեր կողմերում. Փաշինյանը՝ ոստիկաններին

Այսօր ՀՀ վարչապետ Նիկոլ Փաշինյան ՀՀ ոստիկանությունում է շնորհավորելու աշխատակիցներին ոստիկանության օրվա առթիվ: Վարչապետն իր ելույթի խոսքում շնորհավորելով ոստիկաններին, ասաց, որ ուղիղ մեկ տարի առաջ այս օրը իրենք կրկին իրար հետ էինք, սակայն փշալարերի տարբեր կողմերում: «Ես այդ օրը շատ նշանավոր եմ համարում ՀՀ ոստիկանության և ՀՀ քաղաքացիների հարաբերությունենրի մեջ: Այդ օրվանից մեր հետևությունն այն էր, որ այդ ողջ գործընթացը երբ տեղի ունեցավ, ըստ էության, հակասության մի շատ արտահայտիչ ակցիա էր և այդ ամենի մեջ չկար ոչ մի կաթիլ ատելություն: Ես այս առումով եմ այդ օրը նշանավոր համարում և կարծում եմ, որ դա սկիզբն է մի նոր բովանդակության ՀՀ ոստիկանության և քաղաքացիների հարաբերությունների»,- նշեց Նիկոլ Փաշինյանը: Վարչապետի խոսքով՝ ՀՀ ոստիկանության գործողություններն ատելություն չպետք է արտահայտեն կամ առաջացնեն. «Վերջին ամսների ամենամեծ ձեռքբերումը կարող ենք համարել հենց դա, երբ ատելությունը որպես հարաբերությունների հատկանիշ դուրս է եկել ոստիկանության և հասարակության հարաբերություններից»: