Մնացականյան-Մամեդյարով ապագա հանդիպման մասին նախապես հայտարարելն անհարգալից վերաբերմունք է. Աննա Նաղդալյան

Հայաստանի և Ադրբեջանի արտաքին գործերի նախարարների ապագա հանդիպումը համանախագահ երկրներից մեկում անցկացնելու հնարավորությունը դիտարկվում է, Aysor. am-ին ասաց ՀՀ ԱԳՆ խոսնակ Աննա Նաղդալյանը: «Իրապես, դիտարկվում է ապագա հանդիպումը համանախագահ երկրներից մեկում անցկացնելու հնարավորությունը՝ հաշվի առնելով նախկին նմանօրինակ հանդիպումների աշխարհագրությունը։ Քանի որ այս հարցը դեռևս քննարկման փուլում է, պետք է ձեռնպահ մնալ միակողմանի ազդարարումներից և հրապարակային բանակցությունների գործելաոճից», - նշեց նա: Ա.Նաղդալյանի խոսքով՝ համանախագահ երկրներից մեկում կայանալիք հանդիպման մասին նախապես հայտարարելն անհարգալից վերաբերմունք է գործընթացի մասնակիցների, բայց առաջին հերթին՝ տվյալ համանախագահի նկատմամբ: