Ալժիրում ձերբակալել են միանգամից 5 միլիարդատիրոջ

Ալժիրում կոռուպցիոն հանցագործությունների հետաքննության շրջանակում ձերբակալվել է հինգ միլիարդատեր, այդ թվում երկրի ամենահարուստ մարդը: Ինչպես հայտնում է Reuters-ը, հղում անելով երկրի պետական հեռուստատեսությանը,միլիարդատերերից ոմանք եղել են զանգվածային ցույցերի արդյունքում հրաժարական տված ու այժմ անազատության մեջ գտնվող նախկին նախագահ Աբդելազիզ Բուտեֆլիկայի մերձավորներից: Ձերբակալվածներից մեկը` ամենահարուստ մարդը գործարար Իսադ Ռեբրաբն է, իսկ մյուս 4 միլիարդատերերը մի ընտանիքի անդամներ են: Նախկին նախագահը հատկապես մտերիմ է եղել այս ընտանիքի հետ: