Հինգ հայտնի աստղեր ներկայացրել են իրենց տարեկան եկամուտների ամփոփ հաշվարկը. Անանյան

Շոու-բիզնեսի 5 հայտնի ներկայացուցիչ տարեկան եկամուտների ամփոփ հաշվարկ է ներկայացրել, լրագրողների հետ զրույցում ասաց ՊԵԿ նախաահ Դավիթ Անանյանը: «Սառույցը տեղից շարժվել է: Շոու-բիզնեսի հինգ շատ հայտնի ներկայացուցիչներ իրենց տարեկան եկամուտների ամփոփ հաշվարկը ներկայացրել են: Թե ովքեր են` հիմա չեմ ասի, մոտակա օրերին մամուլի հաղորդագրություն կտարածենք, թե ովքեր են օգնել մեզ սառույցը տեղից շարժվելու հարցում»,- ասաց Անանյանը: ՊԵԿ նախագահը նշեց, որ շոու-բիզնեսի մնացած ներկայացուցիչների հետ ևս ՊԵԿ-ը մտադիր է աշխատել բարիդրացիական հարաբերություններով՝ համոզելով, խնդրելով ու նաև օգտագործելով իր իրավասության տակ եղած գործիքակազմը նրանց հարկային դաշտ բերելու համար: Ավելի վաղ տեղեկացրել էինք, որ ՊԵԿ-ը շոու-բիզնեսում ձեռնարկատիրական գործունեություն իրականացնող անձանց հորդորել է ինքնահայտարարագրել եկամուտները: