Հայոց ցեղասպանություն 104. Մարդկանց հոսքը Ծիծեռնակաբերդ շարունակվում է

Ապրիլի 24-ին ամբողջ աշխարհի հայերը եւ առաջադեմ հանրությունը հիշում են 20-րդ դարի առաջին Ցեղասպանության զոհերին: Ամեն տարի ապրիլի 24-ին հարյուր հազարավոր հայեր այցելում են Ծիծեռնակաբերդ, իրենց հարգանքի տուրքը մատուցում անմեղ զոհերի հիշատակին։ Առավոտյան Ծիծեռնակաբերդ են այցելել ՀՀ բարձրաստիճան պաշտոնյաները, հոգևոր հայրերը։ Մարդկանց հոսքը հուշահամալիր շարունակվելու էամբողջ օրը։ Հայոց ցեղասպանությունը մի քանի փուլով է իրականացվել, բայց սկիզբը համարվում է 1915 թվականի ապրիլի 24-ը, երբ Ստամբուլում ձերբակալվեցին հայ մտավորականներ, որոնք այնուհետեւ աքսորի ճանապարհին գազանաբար սպանվեցին: Գրեթե 1,5 մլն մարդ է բնաջնջվել 1915-ից 1923 թվականներին: Կես միլիոնից փոքր-ինչ ավելի հայրեր տարածվել են ամբողջ աշխարհում: Ցեղասպանության հետեւանքով Արեւմտյան Հայաստանը զրկվել է իր բնիկ ժողովրդից, իսկ հայրեը՝ իրենց պատմական հայրենիքից: Ոչնչացվել են հազարավոր պատմական եւ ճարտարապետական հուշարձաններ, ձեռագրեր, պղծվել են սրբավայրերը: Հրկիզվել եւ կողոպտվել են ավելի քան 60 հայկական քաղաքներ եւ 2,5 հազար գյուղեր: Հայոց Ցեղասպանությունը ճանաչել են մի քանի տասնյակ պետություններ, առաջինը Ուրուգվայն էր՝ 1965 թվականին, հետագայում՝ Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Վատիկանը: Հայոց ցեղասպանությունը ճանաչել են նաեւ ՄԱԿ-ի գլխավոր ասամբլեան, Եվրոպական խորհրդարանը, Եկեղեցիների համաշխարհային խորհուրդը եւ միջազգային այլ կազմակերպություններ