ԱՄՆ-ը ցանկանում է ընդունել ապագայում արտգործնախարարների հանդիպումը

մերիկայի Միացյալ Նահանգներն անհամբերությամբ սպասում է հնարավորությանը՝ ընդունելու Հայաստանի և Ադրբեջանի արտաքին գործերի նախարարներին: Այս մասին լրագրողներին է ասել Ադրբեջանում ԱՄՆ փոխդեսպան Ուիլյամ Գիլը: Այս մասին տեղեկանում ենք Trend գործակալությունից: «ԱՄՆ-ը Մինսկի խմբի համանախագահող երկրներից մեկն է, և մենք լիովին կարող ենք աշխատել հակամարտող երկրների հետ՝ օգնելու համար հակամարտությունը կարգավորել բանակցային ճանապարհով: Այս համատեքստում մենք անհամբերությամբ սպասում ենք մեր երկրում ՀՀ և Ադրբեջանի ԱԳ նախարարներին հյուրընկալելու հնարավորությանը: Այս թեմայով քննարկումներ են եղել, որոնք դեռ շարունակվում են: Հուսով ենք մոտ ապագայում դրական լուրով ներկայանալու առիթ կունենանք», - ասել է Ուիլյամ Գիլը: