7 փոփոխություն վարորդական վկայական ստանալու տեսական քննության թեստերում

Վարորդական վկայական ստանալու որակավորման տեսական քննության գիտելիքների ստուգման թեստերի հարցաշարերում փոփոխություններ կկատարվեն։ Այս մասին տեղեկանում ենք ոստիկանության պաշտոնական կայքից։ Այդ փոփոխությունները նախատեսող կառավարության որոշումը մայիսի 5-ին ուժի մեջ է մտնում: Համաձայն որոշման պահանջների՝ անհրաժեշտ է վարորդական վկայական ստանալու որակավորման տեսական քննության գիտելիքների ստուգման թեստերի հարցաշարում կատարել փոփոխությունները, որոնց կարելի է ծանոթանալ հետեւյալ հղմամբ։ Ոստիկանությունից նաեւ տեղեկացնում են, որ ՀՀ կառավարության 2008 թ. սեպտեմբերի 18-ի «Վարորդական վկայական ստանալու քննություններ ընդունելու և վարորդական վկայական տալու կարգը, ինչպես նաև վարորդական վկայական ստանալու համար պարտադիր ներկայացման ենթակա փաստաթղթերի ցանկը սահմանելու մասին» թիվ 1158-Ն որոշման համաձայն՝ կատարված փոփոխություններն ու լրացումները գիտելիքների ստուգման թեստերի հարցաշարերում կարող են ներառվել հրապարակումից 30 օր հետո: