Քաղաքացին դատական հայց է ներկայացրել վարչապետ Նիկոլ Փաշինյանի դեմ

Քաղաքացի Խաչատուր Ղալեչյանը դատական հայց է ներկայացրել ընդդեմ ՀՀ վարչապետ Նիկոլ Փաշինյանի: Այս մասին Tert am-ը տեղեկացավ դատական տեղեկատվական համակարգից: Ղալեչյանը պահանջել է դատարանից վարչապետ Փաշինյանին ստախոս և բարոյազուրկ ճանաչել, հայցվորից ներողություն խնդրել և փոխհատուցել բարոյական վնասի համար: Գործը մակագրվել է ՀՀ Երևան քաղաքի առաջին ատյանի ընդհանուր իրավասության դատարանի դատավոր Երեմ Եսոյանին, որն էլ մերժել է հայցը։ Քաղաքացին վերաքննիչ բողոք է ուղարկել: Խաչատուր Ղալեչյանի կողմից ներկայացված վերաքննիչ բողոքը Քաղաքացիական վերաքննիչ դատարանը վերադարձրել է: Վերաքննիչ բողոքը վերադարձնելուց հետո բողոքում թույլ տրված խախտումները վերացվելու և որոշումը ստանալուց հետո` 3-օրյա ժամկետում, կրկին ներկայացվելու դեպքում բողոքը կհամարվի դատարանում ընդունված: