Վրաստանի տարածքում ԱՄՆ-ի ռազմաբազաներ կտեղակայվե՞ն

Վրաստանի վարչապետ Մամուկա Բախտաձեն հայտարարել է, որ երկրի տարածքում ԱՄՆ ռազմաբազաների տեղակայման վերաբերյալ որոշումներն արվելու են՝ հաշվի առնելով ազգային շահերը։ Այս մասին փոխանցում է РИА Новости-ն։ «Ես ուզում եմ ամենայն պատասխանատվությամբ հայտարարել, որ մեր հարաբերությունները ՆԱՏՕ-ի, Եվրամիության, ստրատեգիական գործընկեր ԱՄՆ-ի հետ երբևէ չեն եղել բարձր մակարդակի վրա, քան այժմ, և դա մեծ հաջողություն է, որը մենք նախատեսում ենք ավելի խորացնել։ Դրանից ելնելով` մենք․․․ կընդունենք այնպիսի որոշումներ, որոնք բխում են ազգային շահերից»,- հայտարարել է Բախտաձեն՝ «Իմեդի» հեռուստաընկերության եթերում պատասխանելով լրագրողի հարցին։