Մանվել Գրիգորյանի պաշտպանները կդիմեն ՄԻԵԴ և միջազգային ատյաններ

«Վարչապետը հայտարարել է, որ չի միջամտելու դատական համակարգին, չի միջամտելու քննչական գործողություններին, բայց դա քիչ է: Քիչ է այնքանով, որ կա այդ միջամտողը: Եվ այդ միջամտողը պետական լիազոր մարմիններն են: Մինչև այս հեղափոխությունը դատավորների տեսակ կար, որ աշխատում էր՝ սպասելով` ինչ ցուցում կստանա գործադիրից: Այժմ նույնաբովանդակ այդ նույն դատավորներն աշխատում են»,- այս մասին այսօր լրագրողների հետ զրույցում ասել է Մանվել Գրիգորյանի և Նազիկ Ամիրյանի դատապաշտպան Լևոն Բաղդասարյանը։ Փաստաբան Լևոն Բաղդասարյանը նաև նշել է` վստահ է, որ այս քրեական գործով տեղի է ունենում և տեղի է ունենալու ընտրովի արդարադատություն: «Պաշտպանական գործիքակազմը համարում է այս գործով արդարադատությունը սպառված ներպետական ատյաններում և օրենքով սահմանված կարգով դիմելու է մարդու իրավունքների եվրոպական դատարան և միջազգային ատյաններին»: