Ադրբեջանի ԱԳՆ-ն` Շուշիի ազատագրման կապակցությամբ միջոցառումների անցկացման մասին

Ադրբեջանի ԱԳՆ-ն անդրադարձել է Շուշիի ազատագրման կապակցությամբ միջոցառումների անցկացմանը և դրանց ՀՀ քաղաքական ղեկավարության մասնակցությանը` հիշեցնելով հայկական «օկուպացիոն քաղաքականության» մասին: Երկար քննադատություններից հետո Ադրբեջանի ԱԳՆ-ն անցնում է արդեն մշտական դարձած սպառնալիքներին, հայտնում է yerkir .am-ը: «Եթե բանակցությունների արդյունքում վերջ չդրվի Հայաստանի կողմից ադրբեջանական տարածքների օկուպացմանը, ապա Ադրբեջանն իրեն իրավունք կվերապահի վերականգնելու իր տարածքային ամբողջականությունը և ինքնինշխանությունը միջազգայնորեն ճանաչված սահմանների շրջանակում, ինչպես դա ամրագրված է ՄԱԿ-ի կանոնադրությունում»,- ասվում է հայտարարությունում: