Թու-թու-թու. Նիկոլ Փաշինյանը` սխալների մասին

Մայիսի 8-ին լրագրողների հետ հանդիպմանը, անդրադառնալով հարցին, թե ի՞նչ բացթողումներ, սխալներ է ունեցել ՀՀ կառավարությունը Նիկոլ Փաշինյանի պաշտոնավարման օրոք` վարչապետը նախ` նշեց, որ արդեն իսկ ձեռք բերված ցուցանիշները կարող էին էլ ավելի լավը լինել, սակայն ռազմավարական սխալներ թույլ չեն տվել: «Եթե ինչ-որ տեղ սխալվել ենք, հաջորդ պահին շանս ենք ունեցել ուղղելու կամ հիմա կարող ենք ուղղել, բայց, թու-թու-թու, դեռ չենք ունեցել ռազմավարական սխալներ: Սխալներից որևէ մեկը երաշխավորված չէ, ես համոզված եմ՝ մենք այդ կարգի ռազմավարական սխալներ թույլ չենք տա: Դրա ամենամեծ աղբյուրը չարամտությունն է. երբ հանկարծ ներգրավվենք կոռուպցիայի մեջ, դա կլինի անշրջելի սխալ, որն ուղղել չի լինի»,- ասաց նա: