TV5-ի սեփականատիրոջը մեղադրանք է առաջադրվել. նրան կկալանավորե՞ն

Քաղաքացիական ակտիվիստ Վարդգես Գասպարիի գործով քիչ առաջ մեղադրանք է առաջադրվել «5-րդ ալիք»-ի սեփականատեր Արմեն Թավադյանին. նա մեղադրվում է ՀՀ Քրեական օրենսգրքի 258 հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկայի գործադրմամբ): Այս տեղեկությունը Armtimes. com-ի զրույցում հաստատել է ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը: Հարությունյանի խոսքերով` նախաքննական մարմինը Թավադյանին կալանավորելու միջնորդություն է ներկայացրել դատարան: Ավելի վաղ հայտնել էինք` Վարդգես Գասպարին ոստիկանություն հաղորդում է տվել իրեն հարվածելու համար: Նաիրա Հարությունյանը տեղեկացրել էր, որ Վարդգես Գասպարին հարցաքննվել է և տուժող ճանաչվել։