Վարորդին գումար տալու փոխարեն ուղևորը դանակն է հանել և թալանել․ Sputnik Armenia

Sputnik Արմենիայի տեղեկություններով՝ գիշերը հանցագործություն է տեղի ունեցել Արագածոտնի մարզում։ Ըստ տեղեկությունների` Քուչակ գյուղում ապրող մի երիտասարդ դանակի սպառնալիքով թալանել է իրեն Երևանից Քուչակ հասցրած տաքսու վարորդին։ Նախնական վարկածով՝ 28-ամյա երիտասարդը հասել է իրենց գյուղ և ուղեվարձը վարորդին վճարելու փոխարեն դանակ է հանել, սպառնացել՝ վերցնելով նրա բջջայինն ու վարորդի մոտ եղած փողերը։ Հարձակումից հետո երիտասարդը փախել է, թալանված վարորդն էլ դիմել է ոստիկանների օգնությանը։ Իրավապահները կարճ ժամանակում հայտնաբերել են հանցանքը կատարած երիտասարդին ու գողացված փողն ու հեռախոսը։ Լրատվամիջոցը գրում է, որ տուժած տաքսու վարորդը երիտասարդ տղա է և ապրում է մայրաքաղաքում։