ԱԱԾ տնօրենը` երկրից Սաշիկ Սարգսյանի բացակայության և վեթինգի ենթարկվելու մասին

Ալեքսանդր Սարգսյանը ՀՀ տարածքը լքել է նախաքննական մարմնի քննիչի որոշման հիման վրա, ես այստեղ որևէ առնչություն և միջամտություն չունեմ։ Այս մասին այսօր լրագրողներին հայտնել է ԱԱԾ տնօրեն Արթուր Վանեցյանը: Նա անդրադարձել է ՀՀ երրորդ նախագահ Սերժ Սարգսյանի եղբոր՝ Ալեքսանդր Սարգսյանի՝ երկրից մեկնելու վերաբերյալ լուրերին։ Հարցին, թե արդյոք տեղյա՞կ է, թե ուր է գնացել Սարգսյանը, Վանեցյանը պատասխանեց. «Իհարկե գիտենք, մի անգամ էլ էր գնացել եւ մեր առաջին իսկ պահանջով եկավ եւ ներկայացավ դատարան»։