17 նախարարով կառավարության վերջին նիստն է․ Վարչապետ

Հայաստանում ուժի մեջ է մտնում կառավարության կառուցվածքի փոփոխությունների մասին կարգավորումը, ինչի արդյունքում այսօր վերջին անգամ է կառավարության նիստն անցկացվում 17 նախարարների կազմով։ Այս մասին կառավարության այսօրվա նիստում նշեց վարչապետ Նիկոլ Փաշինյանը։ Փաշինյանը շնորհակալություն հայտնեց բոլոր այն գործընկերներին, որոնք այս ընթացքում աշխատել են միասին։ Վարչապետի խոսքով՝ այդ որոշումները երկար, նույնիսկ չափազանց երկար են քննարկվել, ու ինքը վստահ է, որ այս փոփոխությունները ճիշտ են։ Փաշինյանը պնդում է, որ այդ ամենի արդյունքում բարձրանալու է կառավարության աշխատանքի որակը, որից ինքը` Փաշինյանը, գոհ չէ։