Մոսկվան և Կիևը կբանակցեն, երբ ՌԴ նախագահ դառնա Գալուստյանը. Սաակաշվիլի

Վրաստանի նախկին նախագահ Միխեիլ Սաակաշվիլին հայտնել է, թե որ դեպքում Մոսկվան և Կիևը կարող են բանակցություններ վարել: Наш հեռուստաընկերության եթերում հարցազրույցի ժամանակ Սաակաշվիլին հայտնել է, որ Կիև ժամանելիս իրեն դիմավորել են ռուս լրագրողները, ովքեր ցանկացել են հարց տալ Ուկրաինայի նախագահ Վլադիմիր Զելենսկու մասին: «Ես ասացի՝ տղաներ, դուք ունեք ընկեր Գալուստյան: Երբ Գալուստյանը նախագահ կդառնա, երբ Ռուսաստանի ժողովուրդը կասի՝ Պուտինը զզվեցրել է, ընտրում ենք Գալուստյանին, այդ ժամանակ խոսեք մեզ հետ»,- պատմել է քաղաքական գործիչը: Հիշեցնենք, որ մայիսի 29-ին Ուկրաինայի նորընտիր նախագահ Վլադիմիր Զելենսկին Սաակաշվիլիին վերադարձրել էր Ուկրաինայի քաղաքացիությունը, որից հետո Սաակաշվիլին վերադարձել էր Ուկրաինա: Իր հերթին Վրաստանի գլխավոր դատախազությունը մտադիր է շարունակել քաղաքական գործչի արտահանձնման գործընթացը: Վրաստանում Սաակաշվիլիի դեմ մի քանի քրեական գործ է հարուցվել: Դրանցից մի քանիսով նա հեռակա կարգով դատապարտված է ազատազրկման: