Մենք պատրաստ ենք ցանկացած զարգացման. Արծրուն Հովհաննիսյան

Մենք ուշի ուշով հետեւում ենք ամեն ինչին եւ պատրաստ ենք ցանկացած զարգացման։ Այս մասին ֆեյսբուքյան իր էջում գրառում է կատարել ՀՀ ՊՆ մամուլի խոսնակ Արծրուն Հովհաննիսյանը՝ անդրադառնալով թուրք-ադրբեջանական զորավարժություններին։ «Թուրք-Ադրբեջանական զորավարժությունների մասին. Մենք ուշի ուշով հետեւում ենք ամեն ինչին եւ պատրաստ ենք ցանկացած զարգացման։ Հայաստանի Հանրապետության Զինված Ուժերը իր ռազմավարական դաշնակից Ռուսաստանի Դաշնության հետ համատեղ իրականացնում է ավելի մասշտաբային ու բովանդակային զորավարժություններ»,–գրել է նա։ Հիշեցնենք, որ ըստ մամուլի տեղեկությունների՝ Նախիջեւանի հատվածում երեկվանից թուրքական հրետանի ու տանկային բատալյոն է կուտակված եւ մարտավարական պարապմունքներ են անցկացնում։