Փաշինյանի աջակիցները սպառնում են նորից պարալիզացնել դատարանները. News am

Հանուն անկախ դատական համակարգի՝ ՀՀ վարչապետ Նիկոլ Փաշինյանի աջակիցների հրավիրած հանրահավաքին եկել էին մոտ երկու տասնյակ քաղաքացիներ, գրում է News am-ը։ Ակցիայի մասնակիցներն իրենց անվստահությունը հայտնեցին դատական համակարգի նկատմամբ եւ որպես իրենց անվստահության օրինակ մատնանշեցին ՀՀ երկրորդ նախագահ Ռոբերտ Քոչարյանի գործով դատական գործընթացը. «Մենք ցանկանում ենք, որ արդարությունը հաղթի եւ ամեն ինչ անելու ենք, որ Ռոբերտ Քոչարյանը կրի համապատասխան պատիճը»,–հայտարարեց ակցիայի մասնակիցներից մեկը։ Ցուցարարները 14 օր ժամանակ տվեցին դատարնների դատավորներին ու Հանրային խորհրդի անդամներին հրաժարական տալու համար. «Հանրային խորհրդին, դատարանների կոռումպացված դատավորներին տալիս ենք 14 օր ժամանակ, եթե 14 օրից չտեսնենք գոնե նրանց կեսի հրաժարականները, ստիպված կլինենք պարալիզացնել դատարանները։ Հանրային խորհրդի նախագահը հայտարարում է, որ պատրաստ է գնալ Ռոբերտ Քոչարյանի համար ստորագրել, դեմ է արտահայտվում դատարանների մուտքերը արգելափակելուն, այսինքն՝ Հանրային խորհուրդը ոչ թե արտահայտում է հանրության շահերը, այլ սպասարկում է մի խումբ անօրեն մարդկանց շահեր»,–հայտարարեց հանրահավաքի կազմակերպիչ Ջիվան Աբրահամյանը։