Ռիհաննան ճանաչվել է աշխարհի ամենահարուստ երգչուհի

Ռիհաննան տեղ Է գտել ամենահարուստ սելֆ-մեյդ կանանց ցուցակում՝ զբաղեցնելով 37-րդ տեղը: Նրա կարողությունը կազմում է 600 մլն դոլար: Երգչուհուց նույնիսկ հետ են մնում հանրությանն ավելի հայտնի Մադոննան (կարողությունը գնահատվում Է 30 մլն դոլար), Բեյոնսեն (կարողությունը գնահատվում Է 200 մլն դոլար) և Սելին Դիոնը (150 մլն դոլար): Ինչպես հայտնում է Forbes-ը` Ռիհաննայի հիմնական եկամուտը գալիս Է ֆրանսիական LVMH-Louis Vuitton Moet Hennessy ընկերությունների խմբի հետ նրա գործընկերությունից: LVMH-ը դարձել Է Fenty Beauty կոսմետիկական բրենդի համասեփականատերը, որը Ռիհաննայի կողմից ստեղծվել Է 2017 թվականին: Առաջին մի քանի շաբաթվա ընթացքում Fenty Beauty-ն վաճառքների ծավալն ավելացրել Է 100 մլն դոլարով, ինչին նպաստել են Ռիհաննայի ճանաչված լինելը եւ 71 մլն բաժանորդները Instagram-ի նրա օգտահաշվում: Հանդեսի գնահատումներով՝ անցյալ տարի Fenty Beauty-ն ստացել Է 570 մլն դոլարի եկամուտ: