Լիխտենշտեյնից ներողություն են խնդրել Հայաստանի փոխարեն Ադրբեջան գրելու համար

Լիխտենշտեյնի ֆուտբոլի ֆեդերացիան ներողություն է խնդրել աշխատակիցների պատճառով առաջացած թյուրիամցության համար: Այսօր՝ հունիսի 9-ին, Եվրո 2020-ի ընտրական փուլի Հայաստան-Լիխտենշտեյն հանդիպումից առաջ այդ մասին խոսել է ֆեդեարացիայի մամուլի ծառայության աշխատակիցը: Օրեր առաջ Լիխտենշտեյնի ֆեդերացիայի պաշտոնական կայքում տեղեկություն էր հրապարակվել հավաքականի առջիկա հանդիպումների մասին ու ՀՀ փոխարեն նշվել էր Ադրբեջանի անունը, ինչն իրարանցում էր առաջացրել հայկական մամուլում ու սոցցանցերում: Այս մասին տեղեկանում ենք Հայկական ժամանակից: Լրատվականը նշում է, որ աշխատակիցը պարզաբանել է, թե պարզապես իրենք շաբաթվա ընթացքում անընդհատ խոսել են իրենց մինչեւ 21 տարեկանների ընտրանու ու Ադրբեջանի նույն տարիքային հավաքականի հանդիպման մասին, ինչի պատճառով էլ սխալվել են: «Ներողություն եմ խնդրում թյուրիմացության համար»,- ասել է նա: Մինչեւ 21 տարեկանների նշված հանդիպումը կայացել է երեկ: Ավարտվել է ոչ-ոքի՝ 1:1: 2018 թ. հեկտեմբերին կայացած Ազգերի լիգայի խմբային փուլի 3-րդ տուրի Ջիբրալթարի դեմ խաղում էլ Լիխտենշտեյնի հետ կապված թյուրիմացություն էր տեղի ունեցել հայկական կողմի մասնակցությամբ: Հանդիպումից առաջ Վազգեն Սարգսյանի անվան «Հանրապետական» մարզադաշտում Ջիբրալթարի փոխարեն միացրել էին Լիխտենշտեյնի հիմնը, ինչից հետո ՀՖՖ-ն նույնպես հետագայում ներողություն է խնդրել: