Վարորդին նկատողություն կարվի, թե՞ աշխատանքից կհեռացվի․ մանրամասնում է Հակոբ Կարապետյանը

Երևանի թիվ 46 երթուղին սկասարկող միկրոավտոբուսի վարորդը, որի մասնակցությամբ աղմկահարույց տեսանյութը տարածվել էր նախօրեին,  այսօր աշխատանքի չի գնացել: Այս մասին NEWS.am-ին հայտնել է Երեւանի քաղաքապետի մամուլի խոսնակ Հակոբ Կարապետյանը։

 Նշենք, որ երթուղայինի վարորդից ուղեւորուհին պահանջել էր դադարեցնել ծխելը, վարորդը չէր դադարեցրել, եւ պահանջել էր, որ ուղևորուհին դուրս գա մեքենայից։

«Գծատերն այսօր առավոտյան հրավիրվել է Երեւանի քաղաքապետարան, կլինի հանդիպում քաղաքապետարանի տրանսպորտի վարչության աշխատակիցների հետ», -նշել է  Կարապետյանը եւ ավելացրեց, որ դեռ չի կարող ասել՝ նկատողություն կարվի վարորդին, թե նա աշխատանքից կհեռացվի: