Սպառնալիքի լեզուն չի անցնելու. Զոհրաբ Մնացականյան

ՀՀ արտաքին գործերի նախարար Զոհրաբ Մնացականյանն ասում է՝ Հայաստանը չի հավատում և չի ընդունում, որ հնարավոր է արդյունավետ գործնական առաջընթաց ունենալ Արցախյան հարցի կարգավորման խաղաղ գործընթացում, երբ տեղում իրավիճակը լարվում է։

«Մենք չենք հավատում, որ հնարավոր է մեկ ձեռքով բանակցել, իսկ մյուս ձեռքով կրակել։ Այդ մոտեցումն ապագա չի ունենալու։ Մենք բազմիցս ասել ենք և հիմա կկրկնեմ, որ բանակցային գործընթացում սպառնալիքի լեզուն չի աշխատելու։ Չի կարող լինել իրավիճակ, որ մենք բանակցենք սպառնալիքի վտանգի լույսի ներքո։ Մեր ինքնավստահությունը բավականին մեծ է և այդ առումով մենք սպառնալիքը ընդունողը չենք։ Սպառնալիքի լեզուն չի անցնելու», - ասաց Զոհրաբ Մնացականյանը։