Oրհներգ, գունավոր ծուխ. նշում են Քոչարյանի՝ կալանքի տակ մնալու լուրը

Երեւանի Շենգավիթ վարչական շրջանի ընդհանուր իրավասության դատարանում՝ Աննա Դանիբեկյանի նախագահությամբ, քիչ առաջ հրապարակվեց երկրորդ նախագահ Ռոբերտ Քոչարյանին ազատելու միջնորդության վերաբերյալ դատարանի որոշումը։

Աննա Դանիբեկյանը հայտարարեց, որ դատարանը մերժում է միջնորդությունը։ Քոչարյանը կշարունակի մնալ կալանքի տակ։ Որոշումը հրապարակելուց հետո Քոչարյանին դեմ արտահայտվողները միացրեցին ՀՀ օրհներգը, կազմակերպեցին հրավառություն և գունավոր ծուխ բաց թողեցին։ Տեղեկանում ենք armdaily.am-ից։