ՀՀ-ում աննախադեպ խոշոր զորավարժությունների կացկացվեն․ մանրամասներ

Կառավարության այսօրվա նիստում ընդունվեց որոշում, որով սեպտեմբերի 24-ից հոկտեմբերի 5-ն անցկացվելու է խոշոր զորավարժություն, որն իր մասշտաբներով աննախադեպ է։ Նիստի ժամանակ Պաշտպանության նախարարը տեղեկացրեց, որ իրենք կազմակերպելու են նաև զորահավաք։

Վարչապետ Նիկոլ Փաշինյանի հարցին պատասխանելիս Դավիթ Տոնոյանը հայտնեց, որ այս մասշտաբի զորավարժություններ Հայաստանում չեն եղել, բայց նույնիսկ այս դեպքում Հայաստանը դուրս չի գալու ստանձնած միջազգային պարտավորություններով նախատեսված սահմանաչափերից (դրանք սահմանում է Վիեննայի փաստաթուղթը)։

Վարչապետն էլ ավելացրեց, որ քաղաքացիները հավանաբար կտեսնեն միջոցառումների մի մասը և հույս հայտնեց, որ պահեստազորայինները կներգրավվեն։