ՊՆ խոսնակը ռևանշիստական-քոչարյանական միջոցառմանը․ Վարուժան Ավետիսյան

«Սասնա Ծռեր» կուսակցության  համահիմնադիր Վարուժան Ավետիսյանը ֆեյսբուքյան իր էջում գրել է. «ՀՀ ՊՆ մամուլի խոսնակ Արծրուն Հովհաննիսյանն առաջին շարքում մասնակցում է 5-րդ շարասյան կազմակերպած ռևանշիստական-քոչարյանական միջոցառմանը։ Փաստորեն՝ ոչ միայն ԱԱԾ-ում և Ոստիկանությունում, այլև Պաշտպանության նախարարության վերնախավում են դավեր նյութվում։ Նման իրավիճակում Պաշտպանության նախարար Դավիթ Տոնոյանը կամ պետք է հրապարակային բացատրություն ներկայացնի կատարվածի վերաբերյալ և հաստատի, որ ՊՆ մամուլի խոսնակն առանց իր գիտության է մասնակցել այդ միջոցառմանը, ինչպես նաև անհապաղ նրան ազատի զբաղեցրած պաշտոնից, կամ էլ շարունակի լռել՝ դրանով իսկ հաստատելով նաև իր պատկանելությունը 5-րդ շարասյանը»։