Աննա Դանիբեկյանը ինքնաբացարկի միջնորդությունը մերժեց

Դատարանը, վերադառնալով խորհրդակցական սենյակից, հրապարակեց դատավոր Աննա Դանիբեկյանին ներկայացված ինքնաբացարկի միջնորդության մասին որոշումը: Դատարանը որոշեց ներկայացված միջնորդությունը մերժել:

ՀՀ երկրորդ նախագահ Ռոբերտ Քոչարյանի պաշտպաններն այսօր ինքնաբացարկի միջնորդություն էին ներկայացրել դատավոր Աննա Դանիբեկյանին։

Միջնորդությունը ներկայացնելիս՝ պաշտպան Հայկ Ալումյանը նշել էր, որ Ա․ Դանիբեկյանի նախագահությամբ դատարանը չի կարող սույն գործը քննող պատշաճ դատարան համարվել։ 

Բացի դրանից՝ պաշտպանական կողմը գտնում էր, որ Ա․ Դանիբեկյանը կանխակալ բացասական վերաբերմունք ունի Ռոբերտ Քոչարյանի նկատմամբ։

Ռ․ Քոչարյանի փաստաբանների միջնորդությանը միացել էր նաև տուժողներից մեկի պաշտպանը։