Այսօր Սևանա լճից ջրառը կրկին մեկնարկել է

Սևանա լճից այս տարի օրենքով սահմանված 170 մլն. խմ-ից ավելի ծավալով ջրառ չի իրականացվելու: Ինչպես փոխանցում է EcoLur-ը՝ լճից ջրառը մեկնարկել է հոկտեմբերի 15-ից:

Հոկտեմբերի 17-ի դրությամբ՝ Սևանից 141.833 մլն. խմ ջուր է բաց թողնվել: Նույն օրվա դրությամբ՝ Արփա-Սևան ջրատարով լիճ է հոսել 152.504 մլն խմ ջուր:

Աղբյուրը հիշեցնում է, որ Սևանա լճից ջրառը դադարեցվել է սեպտեմբերի 25-ին: Այդ օրվա դրությամբ՝ լճից 140.954 մլն խմ ջուր է բաց թողնված եղել:

Հոկտեմբերի 18-ի դրությամբ Սևանա լճի մակարդակը կազմում է 1900.55 մ, ինչը 5 սմ-ով ավելի է նախորդ տարվա նույն օրվա ցուցանիշից՝ 1900.50 մ-ից: