4 զինծառայող պնդում են, որ մարզպետն այնտեղ է եղել. ՔԿ նախագահը՝ Մխիթարյանին ծեծի ենթարկելու մասին

Վայոց ձորում փոխգնդապետ Արա Մխիթարյանին դաժան ծեծի ենթարկելու միջադեպի գործով ի՞նչ նոր տվյալներ կան: ԱԺ միջանցքներում լրագրողներն այս հարցն են տվել ՀՀ քննչական կոմիտեի նախագահ Հայկ Գրիգորյանին:

«Դատախազությունն այդ գործով քրեական վարույթ էր հարուցել: Մենք մի շարք անձանց հարցաքննելուց հետո վարույթն ուղարկել ենք դատախազություն՝ քննարկման համար՝ արդյո՞ք բավարար են տվյալները նոր գործ հարուցելու համար, թե ոչ: Այստեղ հակասական իրադրություն ունենք, որ 4 զինծառայող պնդում են, որ մարզպետն այնտեղ է եղել: Ունենք նաև մարզպետի շենքի դիմաց տեղակայված տեսախցիկ: Ըստ տեսագրության՝ նա 22:30 մտնում է շքամուտք, 00:30՝ այնտեղից դուրս գալիս»,- աասց Գրիգորյանը:

Նա նշեց, որ այդ գործով քննությունը չի ավարտվել: