Այս պահին սահմանին իրավիճակը հանդարտ է. ՊՆ խոսնակ

Այս պահին սահմանին իրավիճակը հանդարտ է, ֆեյսբուքյան էջում գրել է ՊՆ մամուլի խոսնակ Արծրուն Հովհաննիսյանը։

«Իսկ ադրբեջանական կողմը մեր հայտարարությանը որպես պատասխան մի հիմարություն է տարածել գիշերը տեղի ունեղածի, իրենց սահմանապահների գործողությունների մասին», - նշել է Հովհաննիսյանը: 

Ավելի վաղ նա տեղեկացրել էր, որ Տավուշում երեկ գիշեր և այսօր վաղ առավոտյան հակառակորդը տարբեր տրամաչափի զենքերից կրակել է մի քանի գյուղերի և մարտական դիրքերի ուղղությամբ, պատասխան կրակից հետո հակառակորդը լռել է, հայկական կողմից տուժածներ չկան:

Ադրբեջանի Սահմանապահ ծառայությունն, իր հերթին, հայտնել է, որ հայկական զինուժը կրակ է բացել Ղազախի շրջանի մի քանի գյուղերի և մարտական դիրքերի ուղղությամբ: