Գյուղատնտեսությունում ցավոտ որոշումներ կայացնելու անհրաժեշտության առաջ ենք կանգնելու․ վարչապետ

Որպեսզի գյուղատնտեսությունն արդյունավետ լինի, այն պետք է արդյունաբերականացված լինի, իսկ որպեսզի այդպիսին լինի, այն պետք է խոշորացվի։ Վարչապետ Նիկոլ Փաշինյանի խոսքերով՝ սա է կառավարության ընկալումը գյուղատնտեսության ոլորտում, և դրա համար դիտարկվում են տարբերակներ։

«Էդտեղ էլ մենք, ըստ ամենայնի, շատ լուրջ պրոբլեմների առաջ ենք կանգնելու և ցավոտ որոշումներ կայացնելու անհրաժեշտության առաջ ենք կանգնելու։ Չգիտեմ դեռ՝ ինչքանով, ուր կհասնենք»,- կառավարության այսօրվա նիստում հայտարարեց Փաշինյանը։