Քաղաքապետարանը հայտարարում է աճուրդ՝ ամանորյա տոնավաճառի տնակ-կրպակների օգտագործման համար

Երևանի քաղաքապետ Հայկ Մարությանի մամուլի խոսնակ Հակոբ Կարապետյանը ֆեյսբուքյան իր էջում գրել է.

«Երեւանի քաղաքապետարանը հայտարարում է աճուրդ՝ ամանորյա տոնավաճառի տնակ-կրպակների օգտագործման իրավունքի համար:

Ինչպես տեղեկացրել ենք, ամանորյա տոնավաճառը (Christmas market) կանցկացվի Երեւանի 2750-ամյակի այգու տարածքում՝ դեկտեմբերի 20-ից մինչեւ հունվարի 13-ը: Աճուրդի է դրվել 35 տնակ-կրպակ: Եվս հինգը անվճար կտրամադրվի բարեգործական կազմակերպություններին, որոնց ընտրությունը կկատարվի՝ ըստ ներկայացված ծրագրերի հանրային կարեւորության:

Աճուրդի կազմակերպման և անցկացման ընթացակարգին կարելի է ծանոթանալ Երևանի քաղաքապետարանում, ինչպես նաև Երևանի քաղաքապետարանի www.yerevan.am ինտերնետային կայքում: