«Ոսկե Ծիրան» ռեստորանային համալիրի բակից վիրավոր տղամարդուն տեղափոխել են հիվանդանոց

Ոստիկանության Արտաշատի բաժին «Արտաշատ» բժշկական կենտրոնց ահազանգ է ստացվել, որ դեկտեմբերի 2-ին՝ , կեսգիշերն անց, իրենց մոտ է տեղափոխվել Գեղամ Մ-ն՝ «պոլիտրավմա, աջ հոնքի պատռված վերք» ախտորոշմամբ։ Հիվանդանոց են մեկնել ոստիկանության Արտաշատի բաժնի օպերատիվ խումբը ՝ համայնքային ոստիկանության բաժանմունքի տեսուչի գլխավորությամբ։

Համայնքային ոստիկանները պարզել են, որ նա վնասվածքները ստացել է Վերին Արտաշատ գյուղի Արարատյան փողոց 23 հասցեում գործող «Ոսկե Ծիրան» ռեստորանային համալիրի բակում Արարատի մարզի Ոստան գյուղի բնակիչ՝ 28-ամյա Գրիգոր Ն-ի հետ վիճաբանելու ժամանակ։ Արտաշատի ոստիկանների բացատրական աշխատանքի արդյունքում Գրիգոր Ն-ն ներկայացել է ոստիկանություն։ 

Գեղամ Մ-ին տրվել է դատաբժշկի ուղեգիր։ Գ. Շամշյանի տեղեկություններով՝ Գրիգոր Ն-ն աշխատում է Արտաշատի ավագ դպրոցում։