Թուրքիան զորք և տանկեր է ուղարկել Լիբիա

Lիբիական լրատվամիջոցների հաղորդմամբ` հունվարի 30-ին թուրքական նավատորմին պատկանող նավերը հասել են Տրիպոլիի նավահանգիստ:

Ըստ հրապարակման՝ լիբիական 128TV-ին ականատեսները պատմել են, որ չորեքշաբթի առավոտյան թուրքական 2 նավերով Տրիպոլի են բերվել զինվորականներ, իսկ մեկ բեռնափոխադրող նավով` տանկեր, հայտնում է ermenihaber-ը։

Լիբիական մեկ այլ աղբյուր՝ «Ahmar Libya» կայքը հայտնել է, որ բերված զենք-զինամթերքը տեղափոխվել է Տրիպոլիի կենտրոնում գտնվող ավիաբազա:

Նույն աղբյուրը հայտնել է նաև, որ Միսրաթա օդանավակայանում վայրէջք է կատարել «Աֆրիկյան ավիաուղիներին» պատկանող ինքնաթիռ, որում եղել են 40 թուրք սպաներ: