Ստամբուլի օդանավակայանում ինքնաթիռը վայրէջքից հետո վթարի է ենթարկվել ու մասերի բաժանվել. ուղևորները հոսպիտալացվել են

Իզմիրից Ստամբուլ ժամանած Pegasus ավիաընկերության ինքնաթիռը Սաբիհա Գյոքչենի անվան օդանավակայանում դուրս է եկել թռիչքուղու սահմաններից և վթարի ենթարկվել: Այս մասին հայտնում է ՌԻԱ Նովոստին: 

Կատարվածի հետևանքով Pegasus Airlines ավիաընկերության օդանավը երեք մասի է բաժանվել և բռնկվել է: Օդանավի 177 ուղևորներն ու անձնակազմի վեց անդամները տարհանվել են: Դեպքի վայրում այս պահին աշխատում են հրշեջներն ու շտապ օգնության հաշվարկները: Նշվում է, որ բժշկական օգնության են դիմել 21 ուղևոր: Ինչպես հայտնում է Թուրքիայի տրանսպորտի նախարար Մեհմեդ Ջահիդ Տուրհանը, վթարի հետևանքով ոչ ոք չի զոհվել: 

[94589cac3f2caf042e91140b514902cc.jpg]

[9eb6538aac568cd9d06ad8683ee27dea.jpg]