Թուրքիայում կորոնավիրուսով վարակվածների թիվը հասել է 18-ի

Թուրքիայում պաշտոնապես հաստատվել է կորոնավիրուսով վարակվածության 18 դեպք։ Այդ մասին հայտնել է Թուրքիայի առողջապահության նախարար Ֆահրեթթին Քոջան, հայտնում է ermenihaber-ը:

Քոջան նշել է, որ վարակակիրներից 7-ը եկել են Եվրոպայից, 3-ը՝ ԱՄՆ-ից, իսկ 5-ը՝ Սաուդյան Արաբիայից:

Նշենք, որ մարտի 14-ի դրությամբ Թուրքիայում կորոնավիրուսով վարակվածների թիվը 6-ն էր, սակայն մարտի 15-ին այդ թիվն ավելացավ 12-ով:

Ըստ նախարարի՝ նոր վարակակիրներից 2-ը վարակվել են Թուրքիայում հաստատված առաջին վարակակիրի հետ շփման հետևաքով:

Մեկուսացվածների թվի վերաբերյալ որևէ տեղեկություն դեռևս չկա: 

Հիշեցնենք, որ Թուրքիայում կորոնավիրուսի առաջին դեպքի մասին առողջապահության նախարարը հայտարարել էր մարտի 11-ին: