Որոշ սուպերմարկետներում աշխատողներին ձևական բնույթի դիմակներ են տրվում. ԱԱՏՄ ղեկավար Հակոբ Ավագյան

Առողջապահության և աշխատանքի տեսչական մարմնի՝ որոշ սուպերմարկետներում մշտադիտարկում իրականացնելու ժամանակ վերջիններս ձևական բնույթ կրող դիմակներ են տալիս իրենց աշխատողներին։ Այս մասին մամուլի ասուլիսի ժամանակ ասաց ԱԱՏՄ ղեկավար Հակոբ Ավագյանը։

«Մեր մշտադիտարկումներ իրականացնելու ժամանակ սուպերմարկետներում գործատուները ձևական բնույթ կրող դիմակներ են տալիս աշխատակիցներին, ինչին մենք շատ մեծ ուշադրություն ենք դարձնում։ Մենք զբաղվում ենք նաև աշխատողների շահերի պաշտպանության վերահսկողությամբ և, կարող եմ վստահ ասել, որ նմանատիպ դիմակներով աշխատողը չի կարող անգամ մեկ ժամ հանգիստ շնչել։ Դեպքեր են լինում, երբ 8 ժամ մեկ աշխատակիցը նույն ձևական բնույթ կրող դիմակով է լինում»,- նշեց Ավագյանը: