Բրյուսելում անկարգություններ են սկսվել պատանու մահվան պատճառով. նրան հետապնդել է ոստիկանությունը կարանտինը խախտելու համար

Բրյուսելում անկարգություններ են սկսվել պատանու մահվան պատճառով: Տեղի բնակիչների կողմից կազմակերպված բողոքի ակցիայի ընթացքում ձերբակալվել է մոտ 50 մարդ: Ձերբակալվածները 18-25 տարեկան երիտասարդներ են:

Բողոքի ցույցերը սկսվել են 19-ամյա դեռահասի մահվան պատճառով: Կարանտինային ռեժիմը խախտելու պատճառով նրան ոստիկանությունը սկսել է հետապնդել: Պատանին ոստիկանությունից փորձել է թաքնվել է սկուտերով, սակայն բախվել է իրեն հետապնդող ոստիկանության մեքենային եւ տեղում մահացել: Միջադեպից հետո տեղի երիտասարդությունը դուրս է եկել Բրյուսելի փողոցներ եւ մահակներով ու քարերով կոտրել ոստիկանության մի քանի մեքենա: