Հարավային Կորեան COVID-ով վարակման դեպքերի աճի պատճառով վերադառնում է կարանտինային խիստ ռեժիմի

Հարավային Կորեայում փակվում են պետական ​​թանգարանները, պատկերասրահները և թատրոնները, որոնք բացվել էին օրեր առաջ՝  կարանտինային ռեժիմի թուլացման արդյունքում: Այս մասին գրում է «Ինտերֆաքս»-ը:

Հաստատությունները սկսեցին փակվել Սեուլում կորոնավիրուսի նոր դեպքերի ի հայտ գալուց հետո:

Հարավային Կորեայի կառավարությունը խստացրել է նաև անվտանգության միջոցառումները կրթական հաստատություններում: Նախակրթական և միջնակարգ դպրոցները պարտավոր են սահմանափակել ուսանողների թիվը, որը չպետք է գերազանցի ուսանողների ընդհանուր թվի մեկ երրորդը:

Երկրորդ օրն անընդմեջ Հարավային Կորեայում գրանցվել է կորոնավիրուսով վարակման ավելի քան 50 նոր դեպք, որոնց մեծ մասը՝ մայրաքաղաքում: