Անհետ կորած 65-ամյա քաղաքացին մոպեդով վթարի է ենթարկվել. ոստիկանություն

Ինչպես արդեն հայտնել ենք, Հրազդան-Հանքավան ավտոճանապարհի 5-րդ կմ-ին հարակից ջերմոցների մոտակայքում հայտնաբերվել է Գուրգեն Գ․-ն (ծնված 1955 թ.), ում փրկարարները մոտեցրել են շտապօգնության ավտոմեքենային։

Քաղաքացին հոսպիտալացվել է Հրազդանի ԲԿ, այնուհետև՝ Երևանի թիվ 1 համալսարանական հիվանդանոց, որտեղ բժիշկները նրա առողջական վիճակը գնահատել են կայուն:

Ոստիկանությունից հայտնել են, որ հունիսի 16-ին, ժամը 23.25-ին, ոստիկանության Հրազդանի բաժնում տեղեկություն է ստացվել, որ Հրազդան-Հանքավան ճանապարհին 65-ամյա քաղաքացին մոպեդով վթարի է ենթարկվել: Մեկնած օպերատիվ խումբը նշված վայրում հայտնաբերել է մարմնական վնասվածքներ ստացած քաղաքացուն և տեղափոխել հիվանդանոց։
Կատարվում է քննություն։